Монгол Улсын Ерөнхийлөгч У.Хүрэлсүхийн ивээл дор “Монгол Улсын хөгжлийн гарц, шийдэл” эрдэм шинжилгээний бага хурал хоёр дахь удаагаа ХБНГУ-ын Мюнхен хотноо маргааш буюу дөрөвдүгээр сарын 2-нд болно.

Эрдэм шинжилгээний бага хурлаар Европын Холбооны улсуудад сурч, ажиллаж амьдарч буй монгол эрдэмтэн, залуучууд, салбартаа манлайлагч залуусын байгаль хамгаалах уламжлалт өв соёлыг орчин үеийн технологи, инновацтай хослуулан хүрээлэн буй орчны асуудлыг бодитойгоор шийдвэрлэх бүтээлч шийдлийг шалгаруулах юм.

Хуралд:

Ерөнхийлөгчийн Боловсрол, шинжлэх ухаан, технологийн бодлогын зөвлөх Ч. Лодойравсал

Монгол Улсаас ХБНГУ-д суугаа Онц бөгөөд Бүрэн эрхт Элчин сайд Б.Мандахбилэг

ХБНГУ-аас Монгол Улсад суугаа Онц бөгөөд Бүрэн эрхт Элчин сайд Йорн Розенберг

Европын Парламентын гишүүн, Ханнс Зайделийн сангийн тэргүүн Маркус Фербер

Хууль зүй, дотоод хэргийн дэд сайд Б.Солонгоо болон холбогдох албан тушаалтнууд оролцоно.

Эх сурвалж:www.polit.mn