Б.ТАМИР

“Эрдэнэс Тавантолгой” компани гадна дотоодын бүтээн байгуулалт, төмөр замын дэд бүтцийн сүлжээг дэмжих зорилтын хүрээнд Тавантолгой-Зүүнбаянгийн төмөр замд 750 тэрбум, Тавантолгой-Гашуунсухайтын төмөр замд 700 тэрбум гаруй төгрөгийн хөрөнгө оруулалт хийсэн байна.

“Эрдэнэс Тавантолгой” компанийн гүйцэтгэх захирал Б.Ганхуяг ““Эрдэнэс Тавантолгой” компани коксжих нүүрсний нөөц, чанараараа дэлхийд тэргүүлэх Тавантолгой ордод найман ашиглалтын тусгай зөвшөөрөл эзэмшдэг. Компанийн 85.2 хувь нь төрийн эзэмшилд байдаг бол 14.75 хувь нь Монгол Улсын 2.5 сая иргэн, 0.05 хувийг аж ахуй нэгжүүд эзэмшдэг уг байгууллага нийт 900 гаруй ажилтантай юм. 2012 онд Монгол Улсын бүх иргэдэд 1072 ширхэг хувьцаа эзэмшүүлж, 2017 оны гуравдугаар сард Чалко компанид төлөх 350 сая ам долларын өрийг төлжээ. Ингээд 2018 он 1072 хувьцаа мэдээллийн төвийг нээж, 2020 оны есдүгээр сард хувьцаа эзэмшигчиддээ ногдол ашиг хүртээсэн” гэлээ.

Эх сурвалж: "Зууны мэдээ" сонин

2020.10.9 № 196 (6421)