Д.АРИУН

ОХУ-ын Тувагийн бүгд найрамдах улсын тэргүүн Шолбан Кара-Оол КОВИД-19-ийн халдвар авсан нь тодорхой болсон бөгөөд түүний биеийн байдал дунд зэрэг байгаа,  ойрын үед эмчилгээгээ дуусгана гэж хэвлэлийн төлөөлөгч нь сошиал хуудастаа бичсэнийг ТАСС агентлаг ишлэн  өнөөдөр /2020.06.02/ мэдээлсэн байна.

Кара-оол халдвар авсан талаарх мэдээлэл анх  тавдугаар сарын 25-нд гарч байсан. Бүс нутгийн тэргүүн Кызыль хотын халдвартын эмнэлэгт хэвтэн эмчлүүлж байгаа аж. Хэвлэлийн төлөөлөгчийн нь бичсэнээр бол, эмчилгээ ойрын үед дуусна, сайн үр дүн хүлээж байгаа гэжээ.

ОХУ нь КОВИД-19-ийн талаар мэдээ, мэдээлэл түгээх стофкоронавирус.рф сайтыг тусгайлан ажиллуулж байнаа. Халдварын талаар, урьдчилан сэргийлэх арга хэмжээний зөвлөмжүүд гээд бүхий л мэдээллийг энэ сайтаар дамжуулан олон нийтэпд хүргэж байгаа. стофкоронавирус.рф сайтад мэдээлснээр, зургадугаар сарын 1-ний байдлаар,  Тувад халдвар авсан хүний тоо 1115, нас баралт 2 гэж бүртгэгджээ.

Эх сурвалж: www.polit.mn