Хотыг удирдах Х.Нямбаатарын баг

2023-10-20
Нийтэлсэн: Админ
 4 мин унших

Төмөрбаатарын Батсайхан 

Хотын дарга Х.Нямбаатар багаа бүрдүүлж, нийслэлд халаа сэлгээ ид өрнөж байна. Тэрбээр “Хууль эрх зүйн хүчтэй баг хэрэгтэй. Тиймээс өмнө нь ХЗДХЯ-нд хамт ажиллаж байсан зарим хүмүүстээ нийслэлд хамтарч ажиллах  санал тавьсан” гэдгээ хэлж байсан юм. Тэгвэл тэрбээр Хууль зүйн яамнаас нэлээд өргөн бүрэлдэхүүн дагуулан ирж, өмнөх хотын даргатай хамтарч ажиллаж байсан зарим хүмүүсийг албан тушаалаас нь чөлөөлөөд байна. Хотыг удирдах Х.Нямбаатарын багийн зарим гишүүдийг онцлон хүргэе. 

 

П.Сайнзориг хотын даргыг орлоно

Засаг захиргаа, нутаг дэвсгэрийн нэгж түүний удирдлагын тухай хуулийн дагуу Нийслэлийн Засаг дарга хоёр орлогчтой ажиллана.  Тэгвэл  Х.Нямбаатарын нэгдүгээр орлогчоор ХЗДХЯ-ны Төрийн нарийн бичгийн даргаар ажиллаж байсан П.Сайнзориг томилогдон өчигдөр ажилдаа орлоо.  П.Сайнзориг өмнө нь Хууль зүйн байнгын хороо, Хууль зүй, дотоод хэргийн яамны Бодлогын газрын даргаар ажиллаж байсан туршлагатай. Мөн Төрийн нарийн бичгийн даргаар ажиллах хугацаандаа нүүрсний хэргийг шалгасан гол албан тушаалтнуудын нэг.  Засгийн газраас түүнийг орон нутгийн жижиг “Тавантолгой” хувьцаат компанид БЭТ-өөр томилон ажиллуулж байсан билээ. 

 

УИХ-ын даргын квот дээр О.Номинчимэг ирэв

Хотын даргын хоёр дахь орлогчоор УИХ-ын даргын зөвлөх асан, хуульч, судлаач О.Номинчимэгийг томилжээ. Тэрбээр МУИС, Хууль зүйн сургууль болон СЭЗИС-д багшилж байсан бөгөөд 2010 оноос хуульчийн мэргэжлийн үйл ажиллагаа эрхэлж эхэлсэн байна. О.Номинчимэг нь УИХ-ын Тамгын газрын тэргүүн дэд даргаар ажиллаж байгаад 2022 оноос УИХ-ын даргын хуулийн зөвлөхөөр ажиллаж байв.  Колумбийн хуулийн сургууль, Токиогийн их сургуульд суралцаж төгссөн  боловсролтой эмэгтэй улстөрчдийн төлөөлөл.  Мөн улс төрийн хүрээнд  түүнийг УИХ-ын дарга Г.Занданшатарын хүн хэмээдэг. Тиймдээ ч энэ томилгоог парламентын спикер нийслэл дэх квотоо хадгалж үлдлээ хэмээн ярьж буй. 

 

Хотын гал тогоог Д.Хосбаяр барина

 

Нийслэлийн Засаг даргын Тамгын газрын даргаар ажиллаж байсан И.Баатархүүг чөлөөлж, түүний оронд ХЗДХЯ-ны Санхүүгийн газрын дарга Д.Хосбаярыг томиллоо. Л.Хосбаяр нь 2018 онд УИХ-ын Тамгын газарт хэлтсийн даргаар ажиллаж байгаад 2020 оноос ХЗДХЯ-нд газрын даргаар ажиллах болсон юм.  Түүний ХОМ-ийг танилцуулбал, өөрийн орлого 40.7 сая, гэр бүлийн орлого 140 сая гэж мэдүүлжээ. 800 саяын үнэ бүхий нэг үл хөдлөх хөрөнгөтэй бол 152 саяын Lexus, RX 330, 75 саяар үнэлэгдэх газар, 700 сая төгрөгийн зээлтэй байна.  “Хоум Инновэйшн” ХХК-ийн 49 хувийг эзэмшдэг байна.

 

Х.Нямбаатарт Д.Цолмон зөвлөнө

Х.Нямбаатар хуулийн зөвлөхөө мөн л яамнаасаа томилов.  ХЗДХЯ-ны Хууль зүйн бодлогын газрын даргаар ажиллаж байсан Д.Цолмон түүнд зөвлөнө. Д.Цолмонгийн хувьд  ХЗДХЯ-нд мэргэжилтэн, 2021 онд ахлах шинжээч, 2022 онд газрын дарга болон дэвшин ажилласан байна. АТГ-т гаргасан ХОМ-тээ өөрийн орлогыг 38 сая, гэр бүлийн орлого 47 сая гэжээ. 263 саяын үл хөдлөх хөрөнгө, 93 саяын автомашинтай бол 35 сая төгрөгөөр үнэлэгдэх автомашинтай.  МОЛЗ ХХК, “Тэнүүн буудай” ХХК, “Хангайн эко хүнс” ХХК, “Эко жуулчлал” ХХК,  “Өмгөөллийн Дилоз” ХХН,  “Өмгөөллийн Хэруга Партнерс” ХХН, “Юнайтедменежмент консалтинг” ХХК-д тус тус хувь эзэмшдэг байна. 

 

Нийтийн тээврийг цагдаагийн хурандаад хариуцуулав

Өмнөх хотын дарга нийтийн тээврийн авлигатай холбоотой асуудлаар албан тушаалаасаа чөлөөлөгдсөн.   Тэгвэл Нийслэлийн Нийтийн тээврийн газрын даргаар Д.Отгонжаргалыг томилоод байна. Д.Отгонжаргалын хувьд Мөрдөн байцаах албаны даргаар 2018-2019 онд ажиллаж байгаад 2020 оноос Нийслэлийн Цагдаагийн удирдах газрын дэд даргаар ажиллаж эхэлсэн юм.   Цагдаагийн хурандаа цолтой. Түүний ХОМ-ээс онцлоход,  өөрийн орлого 30.7 сая, гэр бүлийн орлого 11.8 сая байна.  398 сая төгрөгийн хоёр үл хөдлөх хөрөнгөтэй.  40 саяын газартай бол  4.5 саяын үнэт эдлэл, 6.4 саяын хадгаламж, найман саяын зээлтэй гэж мэдүүлжээ. 

Эх сурвалж: "Зууны мэдээ" сонин

2023 ОНЫ АРАВДУГААР САРЫН 20. БААСАН ГАРАГ. № 209 (7194)

amjilt husye
“Уран гулгалтын олимп, дэлхийн аваргууд Монголд үзүүлбэрээ үзүүлнэ”

“Дэлхийн уран гулгалтын одод Монголд” тоглолт “Степпэ Арена” мөсөн өргөөнд тавдугаар сарын

11 цаг 21 мин
О.Номинчимэг: Татвараас чөлөөлөх барааны жагсаалтаас тамхийг хасах хэрэгтэй

Тамхийг жагсаалтаас хасах саналаа хүргүүлсэн

12 цаг 11 мин
"Автотээврийн үндэсний төв"-ийн албан тушаалтнуудын хэргийг шүүхэд шилжүүлжээ

"Автотээврийн үндэсний төв"-ийн албан тушаалтнуудын хэргийг шүүхэд шилжүүлжээ

13 цаг 24 мин
АТГ-аас Төгрөг нуурын ордтой холбоотой асуудлыг шалгаж эхэлжээ

АТГ-аас Төгрөг нуурын ордтой холбоотой асуудлыг шалгаж эхэлжээ

13 цаг 30 мин
Л.Гантөмөр: Японд байгаа Элчин сайд ажил хийхгүй байна

Л.Гантөмөр: Японд байгаа Элчин сайд ажил хийхгүй байна

13 цаг 35 мин
Агаарын хөлгийн түлш нийлүүлэх Оросын саналыг дэмжинэ, дэмжихгүй

УИХ-д суудалтай намын бүлгүүд өчигдөр хуралдаж, цаг үеийн зарим асуудлаар байр сууриа нэгтг

20 цаг 22 мин
Төгрөг нуурын ордын “шинэ” шуугианы хуучраагүй “хуучин” баримтууд

УИХ-аас 2007 оны хоёрдугаар сарын 6-ны өдөр “Тодорхой ордыг стратегийн ач холбогдол бүхий ашигт малтмалын ордод хамаару

20 цаг 22 мин
Ройтерс: Энэтхэг улс гангийн импортод түр 12 хувийн татвар ногдуулахаар төлөвлөж байна

Бүгд найрамдах Энэтхэг улсын Засгийн газар улсынхаа дотоодын зах зээлийг хамгаалах үүднээс

Уржигдар 20 цаг 11 мин
Ромын пап Францис 88 насандаа таалал төгслөө

Ромын пап Францис 88 насандаа таалал төгслөө

Уржигдар 16 цаг 40 мин