Б.ДАРЬСҮРЭН

Манай улс оны эхний есөн сард 6.4 тэрбум ам.долларын бараа, түүхий эд импортлосон нь өнгөрсөн оны мөн үеэс 24 хувиар өссөн үзүүлэлт аж.

Импортын барааны 97.1 хувийг валютын төлбөртэй худалдаа эзэлсэн. Импортоор нийлүүлсэн барааны нийт дүнд мал амьтан, ургамлын гаралтай бүтээгдэхүүн, хүнсний зүйл 802.8 сая ам.доллар буюу 16.9 хувийг эзэлжээ. 

Сүүлийн саруудад жимс, самрын импорт өссөөр байна. Энэ төрлийн хүнсний бүтээгдэхүүний импортыг өнгөрсөн оны мөн үетэй харьцуулбал 55 хувь өссөн бол 2020 оны эхний есөн сараас 2.3 дахин нэмэгджээ. 

Импортын дүн өсөж байгаа хүнсэнд 

• өтгөрүүлсэн болон хуурай сүү
• цагаан будаа
• тахиа, гахайн мах, өөх
• элсэн чихэр нэрлэгдэж байна. 

Харин ургамлын тос, улаан буудайн гурил, хүнсний ногооны импорт буурчээ. 

Манай улс дэлхийн 152 орноос гарал үүсэлтэй бараа импортолсноос БНХАУ-д 34.7, ОХУ-д 29.9 Японд 8.3 БНСУ-д 5.1, АНУ-д 3.1 хувь ногдож байгаа нь нийт импортын дүнгийн 81.1 хувийг эзэлж байна.

Эх сурвалж: www.polit.mn