Б.ДАРЬСҮРЭН

Шатахууны импорт оны эхний найман сарын байдлаар 5.6 сая ам.долларт хүрч өнгөрсөн оны мөн үеэс 1.1 сая ам.доллар буюу 25.2 хувиар өссөн байна. Үүнээс, эрдэс бүтээгдэхүүний импорт 1.2 сая ам.доллар болж, өнгөрсөн оны мөн үеэс 56.3 хувиар өсжээ.

Эрдэс бүтээгдэхүүний импортын үнийн дүнгийн 87.6 хувийг газрын тосны бүтээгдэхүүн эзэлж байна. Оны эхний найман сарын байдлаар 1.087 сая ам.долларын үнэ бүхий 1.172.1 мянган тонн газрын тосны бүтээгдэхүүн импортолсон нь өнгөрсөн оны мөн үеэс биет хэмжээгээр 2.2, үнийн дүнгээр 63.5 хувиар өссөн аж.

Газрын тосны бүтээгдэхүүний импортын нийт үнийн дүнгийн 88.1 хувийг автобензин, дизель түлш эзэлсэн бол үүний 33.8 хувийг автобензин, 54.3 хувийг дизель түлшний импорт эзэлж байна.

Тухайлбал, автобензины импорт эхний найман сарын байдлаар 440.5 мянган тонныг импортолсон нь өнгөрсөн оны мөн үеэс биет хэмжээгээр 36.5, 1.9 дахин өсөв.

Дизель түлшний тухайд, 618 мянган тонныг импортолсон нь өнгөрсөн оны мөн үеэс үнийн дүнгээр 60.8 хувиар өссөн ч биет хэмжээгээр 8.4 хувиар буурчээ.

Эх сурвалж: www.polit.mn