Б.ДАРЬСҮРЭН

“Эрдэнэс Тавантолгой” хувьцаат компанийн санаачилгаар олон улсын ISO 37301:2021 нийцлийн менежментийн тогтолцоог Монгол Улсын стандарт болгон батлууллаа.

MNS ISO 37301:2022 нийцлийн менежментийн тогтолцоо, стандартыг “Монсертф” ХХК-ийн аудиторууд “Эрдэнэс Тавантолгой” хувьцаат компанийн Гүйцэтгэх захирал Б.Ганхуягт гардуулжээ. 

Энэхүү стандарт нь холбогдогч талуудын хэрэгцээ, хүлээлтийг харгалзан комплайнсын соёлыг бий болгож, комплайнсыг байгууллагынхаа соёл, ажилчдын хандлагад шингээх замаар хэрэгжүүлдэг аж. Байгууллагын хэмжээнд нэвтрүүлсэн, үр дүнтэй комплайнсын тогтолцоо нь тухайн байгууллагад холбогдох хууль тогтоомж, салбарын дүрэм, байгууллагын стандарт, сайн засаглалын стандарт, нийтээр хүлээн зөвшөөрөгдсөн шилдэг туршлага, ёс зүй, амлалтаа харуулах боломжийг олгодгоороо давуу талтай. Монгол Улсын төрийн болон төрийн бус байгууллагууд мөн групп компаниуд, хувьцаат болон ХХК-ууд энэхүү стандартыг үйл ажиллагаандаа нэвтрүүлж ажиллахыг уриаллаа.

Эх сурвалж: www.polit.mn