Цементийн үнийн талаар Барилга хот байгуулалтын яамны Барилгын материалын үйлдвэрлэлийн хэлтсийн дарга Д.Батзориг мэдээлэл өглөө. Өнөөдрийн байдлаар цементийн дундаж үнэ 270 орчим мянган төгрөгийн ханштай байгаа юм.

Энэ талаар Д.Батзориг “Цементийн тээвэрлэлтэд бид онцгой анхааран ажиллаж байна. Долдугаар сарын 1-нээс хойш “МАК”, “Мон цемент”, “Хөтөл” гэдэг гурван томоохон үйлдвэрлэгчийн төмөр замаар тээвэрлэх асуудалд нэлээд анхаарч байгаа.Зарим тохиолдолд үйлдвэрлэгч болон тээвэрлэгчээс шалтгаалсан доголдол үүсдэг. Өнөөдрийн байдлаар “МАК”, “Мон цемент” үйлдвэрүүдийн үйл ажиллагаа хэвийн  байна. “Хөтөл”-ийн тухайд задгай цементийн нийлүүлэлтээ есдүгээр сарын 1-н хүртэл зогсоосон. Энэ нь зургаан сар тутамд үйлдвэрлэлийн төлөвлөгөөт засвартай холбоотой. Энэ хугацаанд шуудайтай цементийн нийлүүлэлт хэвийн үргэлжилнэ.Хөтөл цемент шохойн үйлдвэр нь нийт зах зээлийн 25-30 хувийн хангадаг. Тэгэхээр энэ үйлдвэрийн үйл ажиллагаа доголдсон ч дотоодын зах зээлд хомсдол үүсэхгүй” гэсэн юм.