Ц.ЭНХБАТ 

Аэрофлот хоригт. Хятадын Коммунист Намын Их Хурал болохтой холбогдуулан аюулгүй байдлаа сахихаар  Хятад улс  Улаанбаатар луу хийх нислэгээ түр хориглосон.  Зуны улиралд ачаалал нь улам бүр нэмэгддэг эдгээр  компаниуд нислэгээ үйлдэхгүй байгаа хэдий ч  Хөшигийн хөндий дэх Олон улсын нисэх онгоцны буудал хөл ихтэй байна.  Аэрофлот, China Airlines компаниудын нислэг зогссон  учир гадагшлах урсгалын дийлэнх нь Солонгосоор дамжиж буй аж. Asiana Airlines компани, Korean  Air нислэгийн компаниуд  Солонгос руу Сеул, Бусан, Чежу гэсэн гурван чиглэлээр  өдөртөө 5 нислэг хийж байна.  Гаднаас Монголд ирж , буцаж буй гадны зочид, жуулчид ч, Монголоос өөр улсыг зорих монголчуудын цорын ганц цонх нь Солонгос болжээ. 
-Би АНУ-ын Филадельфид амьдардаг.  Анх удаа Монгол орноор 14 хоног аяллаа. Өвөрхангай, Архангай, Эрдэнэбулган хийд, Цэнхэрмандал рашаан зэрэг газруудыг үзэж, буудаллаж, малчны хотонд хонолоо. Сэтгэгдэл өндөр буцаж байна. Жуулчлал өндөр хөгжөөгүй нь надад завшаантай санагдлаа.
Харин буцахдаа Тайланд орно. Тайланд бол жинхэнэ аялал жуулчлалын орон. Уул нь би Хятадаар дамжиж буцах төлөвлөгөөтэй байсан ч бүтсэнгүй. Буцаад л Солонгосоор даялах боллоо. Өөр сонголт алга. Үргэлжлээд Энэтхэг орно. Монголын тухай аян замын тэмдэглэл бичнэ  гэж бодож байна. Тэгвэл Control.mn-д өгөх болно гэж АНУ-ын жуулчин, чөлөөт сэтгүүлч Кристофер хэллээ.

Эх сурвалж: www.polit.mn