З.БАТЦЭЦЭГ
 
Европын холбооны 15 оронд гарал үүсэл нь тодорхойгүй гепатитын 95 тохиолдол илэрсэн байна. Энэ тухай Euractiv портал Европын өвчнөөс урьдчилан сэргийлэх, хянах төвөөс (ECDC) эш татан мэдээлэв. Энэ өвчин 16-гаас доош насны хүүхдүүдэд илэрсэн гэдэгийг хэвлэлүүд онцолжээ. Хамгийн олон тохиолдол Италид 35, Испанид 22 бүртгэгдсэн байна. Нидерланд, Дани улсад шинжээчид тус бүр зургаа, Ирландад таваас бага тохиолдол илрүүлжээ. Мөн Португал, Румынд дөрөв, Бельги гурав, Австрали, Кипр, Франц, Норвегит хоёр тохиолдол илэрч, Герман, Польш, Словенид тус бүр нэг тохиолдол бүртгэгдсэн байна. 
Өнгөрсөн сарын 23-нд ДЭМБ гарал үүсэл нь тодорхойгүй цочмог гепатитын улмаас дор хаяж нэг хүн нас барсан тухай мэдээлсэн. ДЭМБ хүүхэд аль улсад нас барсан талаар тодорхой мэдээлээгүй байна. Дараа нь Европын эрүүл мэндийн асуудал хариуцсан комиссар Стелла Кириакидес энэ өвчин Европын 12 оронд аль хэдийнэ бүртгэгдсэн гэв. Түүний хэлснээр халдварын тохиолдол нэг сараас 16 хүртэлх насны хүүхдүүдийн дунд бүртгэгдсэн байна.

Эх сурвалж: www.polit.mn