З.БАТЦЭЦЭГ
Шингэрүүлсэн байгалийн хийн нийлүүлэлтийг өргөтгөх асуудлыг хэлэлцсэн АНУ-тай хийсэн дээд хэмжээний уулзалтын дараа Европын холбоо хамгийн багадаа 2027 он хүртэл ОХУ-ын эрчим хүчний нөөцөөс хараат хэвээр байх болно гэсэн хүлээлтийг Европын комисс баталжээ. Энэ тухай Брюссельд болсон хэвлэлийн бага хурал дээр Европын комиссын төлөөлөгч Тим Макфи мэдэгдэв. АНУ-ын шингэрүүлсэн байгалийн хийн нийлүүлэлт нь Европын холбоонд хэр хурдан ирэх талаар асуухад тэрбээр "Бид өмнө нь нийтэлсэн Re Power Европын холбооны хөтөлбөрт дурдсанчлан 2027 он хүртэл Оросоос нүүрстөрөгчийн түлшнээс хамааралтай байх болно" гэв. Мөн тэрбээр "Европын холбоо энэ онд багтаан Оросоос хараат байдлаа гуравны хоёроор бууруулах боломжтой гэдэгт итгэж байна" гэж нэмж хэлэв. "Европын комисс тавдугаар сарын эцэс гэхэд Оросоос эрчим хүчний хараат байдлыг бууруулах нарийвчилсан төлөвлөгөөг танилцуулна" гэж нэмж хэллээ.
Энэ сарын 25-нд болсон дээд хэмжээний уулзалтын дараа Европын холбоо болон АНУ Оросын эрчим хүчний нөөцөөс хараат байдлыг бууруулах ажлын хэсэг байгуулснаа зарласан. АНУ "Европын холбооны зах зээлд 2022 онд дор хаяж 15 тэрбум шоо метр шингэрүүлсэн байгалийн хий нийлүүлэх, цаашдаа энэ хэмжээг нэмэгдүүлэхийн төлөө ажиллана" гэж амласан. Мөн "Шинэ хийн дэд бүтцээс ялгарах хүлэмжийн хийн ялгарлыг бууруулахын төлөө, шинэ цэвэр, устөрөгчийн бэлэн дэд бүтцийг бий болгохын төлөө ажиллах болно" гэв.
Европын комисс "Шингэрүүлсэн байгалийн хийн дэд бүтцийг бий болгох ажлыг эрчимжүүлэхэд онцгойлон анхаарч, эрчим хүчний хангамж, эрчим хүчний аюулгүй байдлын зохицуулалтын хэм хэмжээг хурдасгана" гэж амласан. Европын комисс болон Европын холбооны орнууд АНУ-аас Европын холбоонд нийлүүлэх байгалийн хийн эрэлтийг дор хаяж 50 тэрбум шоо метр байлгахын төлөө ажиллах нь Европын холбооны хүлэмжийн хийн ялгарлыг бууруулах тухай уур амьсгалын амлалттай нийцэж байна. Одоогийн байдлаар ОХУ Европын холбооны хийн хэрэглээний 40 орчим хувийг хангаж, жилд 175 тэрбум шоо метр хий нийлүүлдэг.
Эх сурвалж: “Зууны мэдээ” сонин
2022 ОНЫ ГУРАВДУГААР САРЫН 30. ЛХАГВА ГАРАГ. № 64 (6796)
УИХ-ын гишүүн Ч.Лодойсамбуу сэтгүүлч Н.Өнөрцэцэгийн шүүх хуралд ажиглагчаар оролцох санал хүргүүлжээ
УИХ-ын гишүүн Ч.Лодойсамбуу сэтгүүлч Н.Өнөрцэцэгийн шүүх хуралд ажиглагчаар оролцох санал хүргүүлжээ
11 цаг 41 мин
Д.Энхтүвшин: Надад УИХ-д байх шаардлага алга
Д.Энхтүвшин: Надад УИХ-д байх шаардлага алга
11 цаг 45 мин
Цөмийн энергийн тухай хуулийн төслийг хэлэлцэхийг дэмжлээ
Цөмийн энергийн тухай хуулийн төслийг хэлэлцэхийг дэмжлээ
11 цаг 50 мин
Г.Ганцогт: Дайны сэдэвтэй дуу дуулахад яг л халуун цэгт нь очсон мэт мэдрэмж төрдөг
“Зууны мэдээ” сонин энэ удаагийн “Хөгжим хэмнэл” булангийнхаа дугаа
18 цаг 37 мин
Уур амьсгалын доройтлын улмаас Азийн ДНБ 17 хувиар буурах магадлалтай гэв
Азийн хөгжлийн банкнаас хөгжиж буй Ази, Номхон далайн орнуудын уур амьсгалын өөрчлөлтийн талаарх тайлангаа өчигдөр танилцууллаа.
18 цаг 37 мин
29 дүгээр сургуулийн 60 жилийн ой тохиож байна
1964 оны тэртээ Улаанбаатар хотын зүүн хойхно орших ус агаар сайтай, тэгш сайхан талбайд
18 цаг 37 мин
Монгол Улс папиллома вирусийн вакциныг нэвтрүүлэхгүй үлдэх үү
“Зууны мэдээ” сонин ээлжит эрэн сурвалжилгаараа эрүүл мэндийн салбар тэр дундаа умайн хүзүүний хорт хавдрын вакцины тухай хөндсөн билээ.
18 цаг 37 мин
Ойн салбарт масс тариалалтыг нэвтрүүлж байна
Монгол Улсын Засгийн газрын хэрэгжүүлэгч агентлаг Ойн газар, “Оюу толгой” компани хамтран 21 аймгийн
18 цаг 37 мин
“Зууны мэдээ” Сэтгүүлзүйн итгэлцлийн санаачилгын /JTI/ сертификаттай Монголын анхны сонин боллоо
Үндэсний өдөр тутмын “Зууны мэдээ” сонин Олон улсын сэтгүүл зүйн стандарт болох
18 цаг 37 мин