Т.САЙХАН

Сонгуулийн ерөнхий хороо өнөөдөр /05.05/ Ерөнхийлөгчийн сонгуульд нэр дэвшигчдийн материалыг хүлээн авсан.  Энэ үеэр СЕХ-ноос Н.Алтанхуягт Улсын дээд шүүхийн лавлагаагаар Ардчилсан намын даргаар С.Эрдэнэ бүртгэлтэй байгааг мэдэгдсэн. Материалыг нь хүлээж аваагүйд бухимдсан тэрбээр Ардчилсан намын гишүүн Ч.Өнөрбаярт хандан “Чи энд юу хийж байгаа юм бэ. Ардын намынхантай чинь хамт дүүжлэх нэг өдөр ирнэ шүү. Чи Ц.Элбэгдоржийн хуулийн зөвлөх байхдаа хонгилын шүүх байгуулалцаж, өчнөөн олон хүнийг хэлмэгдүүлж, монголын төрөөр тоглосон. Одоо үргэлжлүүлэн С.Эрдэнэ гэдэг хүнийг дагаад, АН-ыг хувааж, ардчиллыг булшлах гээд явж байгаад чинь залуу хүний чинь хувьд харамсаж байна" гэсэн юм. Харин  Ардчилсан намын Ерөнхий нарийн бичгийн дарга Ч.Өнөрбаяр "Монголын ардчиллын төлөө Н.Алтанхуягийн тусгайлан бэлдсэн шонд дүүжлүүлэхэд бэлэн. Хүний эрх, эрх чөлөөний эсрэг хандлагатай улс төрч ардчиллыг өмгөөлж, хамгаалах уу. Надад бол айх зүйл алга" хэмээн өөрийн сошиал хуудсаараа дамжуулэн мэдэгджээ.

Эх сурвалж:www.polit.mn