Т.САЙХАН

2021.03.16

 ЭМЯ-наас COVID-19 халдварын тархалттай холбоотой ээлжит мэдээллээ  өглөө. Улсын хэмжээнд өчигдөр 122 хүнээс халдвар илэрсэн бол өнөөдөр  127 тохиолдол бүртгэгдлээ.   

ХӨСҮТ-ийн Тандалт, судалгааны албаны дарга Ж.БАЙГАЛМАА:

-2021 оны гуравдугаар сарын 15-ны өглөөний 09.00 цагийн байдлаар нийт 11183 сорьцод шинжилгээ хийхэд 127 хүнээс СОVID-19 илэрлээ. Эдгээрээс 126 нь Улаанбаатар хотод бүртгэгдсэн. Нэг нь Архангай аймагт бүртгэгджээ.  Шинээр батлагдсан тохиолдлуудын 116-гаас нэг дэх шинжилгээгээр вирус илэрсэн бол долоогоос нь хоёр дахь шинжилгээгээр илэрчээ. Дөрвөн хүний халдварын эх уурхайг тодорхойлохоор ажиллаж байна гэлээ. 

Сүүлийн 24 цагийн хугацаанд клиникээс 52 хүн эдгэрч, гэртээ гарсан. Нийт эдгэрсэн хүний тоо 3083 боллоо. ХӨСҮТ, Цэргийн төв эмнэлэг, Хан-Уул дүүргийн 300 ортой эмнэлэгт нийт 1014 батлагдсан тохиолдол эмчлүүлж байна. Биеийн байдал маш хүнд гурав, хүнд гурав, хөнгөн 917 хүн эмчлүүлж байна.

Эх сурвалж:www.polit.mn