Т.САЙХАН

2021.03.11

ЭМЯ-наас COVID-19 халдварын тархалттай холбоотой ээлжит мэдээллээ  өглөө. Улсын хэмжээнд өчигдөр 109 хүнээс халдвар илэрсэн бол өнөөдөр 80 тохиолдол бүртгэгдлээ.   ХӨСҮТ-ийн дэд захирал Э.Тэмүүлэн "Сүүлийн хоногт 21585 хүнд хийсэн халдвар илрүүлэх шинжилгээний явцад 80 хүнээс халдвар илэрсэн. Ингэснээр нийт халдварын тоо 3561 болж байна. Сүүлийн 24 цагт зөөвөрлөгдсөн тохиолдол бүртгэгдээгүй. Шинээр батлагдсан 80 тохиолдлын 77 нь халдвартай хүмүүсийн ойрын хавьтлууд бол гурван хүний халдварын эх уурхайг тогтоохоор ажиллаж байна. Халдварын эх уурхайг нь тогтоож байгаа хүмүүсийн байршил:

• БЗД-ийн 14 дүгээр хороо
• СХД-ийн 26 дугаар хороо
• ХУД-ийн 2 дугаар хороо

Сүүлийн хоногт 50 хүн эмчлэгдэн эмнэлгээс гарснаар нийт эдгэрсэн хүнийй тоо 2847 боллоо. Өнөөдөр харамсалтай мэдээ дуулгах нь. 21 хоногийн турш эмчилгээ хийгэсэн 76 настай эмэгтэй нас барлаа. Коронавируст халдварын шалтгаант нас баралт дөрөв болж байна " гэв.

Эх сурвалж:www.polit.mn