Б.НАМУУНТАМИР

Өнгөрсөн оны арванхоёрдугаар сард Гашуунсухайт, Шивээхүрэн боомтоор өдөртөө 80-140 тээврийн хэрэгсэл гарч байсан бол энэ сарын 09-ний байдлаар өдөрт Гашуунсухайт боомтоор нүүрсний 500-625, Шивээхүрэн боомтоор 400-450 тээврийн хэрэгсэл хилээр гарч байна.

Замын-Үүд боомтоор өнөөдрийн байдлаар өдөрт нэг талдаа 120-150 автомашин хилээр нэвтэрч, өргөн хэрэглээний бараа, бүтээгдэхүүний хангалт нэмэгдэж, хэвийн хэмжээнд хүрчээ. 

Эдийн засгийг дэмжих хүрээнд газар тариалан, бүтээн байгуулалтын ажил эхлэх гэж байгаатай уялдуулан тээвэрлэлтийн эрэлт хэрэгцээг харгалзан үзэж, Зам тээврийн яамны Шуурхай бүлэг Улсын онцгой комисс Засгийн газарт санал танилцуулж, Алтанбулаг боомтоор бүх төрлийн ачааг, Цагааннуур, Боршоо боомтоор шатахуун, малын тэжээл нэвтрүүлэх асуудлыг шийдвэрлүүлснээр Цагааннуур боомтоор өнгөрсөн сарын 23-наас, Боршоо боомтоор энэ сарын 08-наас тээвэрлэлтийг эхлүүлээд байна.

Эх сурвалж:www.polit.mn