ОХУ-ын Санкт-Петербург хотын Кино зураглаачдын ордонд Соёлын ажилтны өдөрт зориулсан гала үдэш дээр БРИКС-ийн орнуудын Соёл урлагийн академийг байгуулах тухай протоколд гарын үсэг зурсан байна. Протоколд Евразийн олон улсын их сургуулийн ректор, "Дом БРИКС"  олон улсын сүлжээний ерөнхийлөгч Константин Клименко, Оросын соёлын бүтээлч ажилтнуудын холбооны тэргүүн Анатолий Константинов нар гарын үсэг зуржээ.

Энэ алхам нь БРИКС-ийн орнуудын соёлын хамтын ажиллагааг хөгжүүлэх шинэ үе шатыг эхлүүлж, Санкт-Петербург хотын олон улсын соёлын төвийн байр суурийг бэхжүүлж байна гэж rg.ru-ийн мэдээнд тэмдэглэжээ. Тус академи нь БРИКС-ийн орнуудын соёлын салбарынхан туршлага солилцох, хамтарсан бүтээлч төслүүд хэрэгжүүлэх, соёл урлагийн салбарт мэргэжилтэн бэлтгэх өвөрмөц талбар болно гэж тус хэвлэл мэдээлжээ.