Д.АРИУН

Зөвлөлт, Оросын нэрт найруулагч Леонид Гайдайд зориулсан музей байгуулах ажил ОХУ-д эхэлсэн байна. Музей нь нэрт найруулагчийн төрсөн хот болох Эрхүүд байгуулагдана.

“Леонид Гайдай кино урлагийн хөгжлийн төв”-ийн тэргүүн Юрий Яшников  “Эрхүү хотын дарга Руслан Болотов, хурлын дарга Евгений Стекачев нар Урицкогийн гудамжинд байрлах түүхэн барилгын бүхэл бүтэн давхрыг “Гайдай төв”-л шилжүүлсэн. Орост анхны Леонид Гайдайн уран бүтээлийн музейг байгуулахаар 10 гаруй жил ажиллаж байгаа манай багийн хувьд энэ бол маш том ялалт байлаа" гэж нийгмийн сүлжээндээ бичжээ.

Музейн төсөл нь Потанины сангийн уралдаанд түрүүлж, барилгын үзлэг, зураг төсөл, тооцооны баримт бичгийг боловсруулахад зориулж таван сая рублийн санхүүжилт авсан талаар irk.today мэдээлжээ.

Леонид Гайдай бол “Ы ажиллагаа, Шурикийн бусад адал явдал” /1965/, “Кавказад болсон явдал” /1967/, “12 сандал” /1971/, “Иван Васильевич мэргэжлээ сольсон нь” /1973/, “Үгүй байлгүй дээ” /1975/, “Петербургийн үл таних хүн” /1979/... зэрэг үзэгчдийн сэтгэлд үлдсэн олон шилдэг киноны найруулагч билээ.

Эх сурвалж:polit.mn