
К.АНУ
Казахстаны удирдагч Касым-Жомарт Токаев гуравдугаар сарын 14-нд тус улсын Үндэсний хуралдайн дөрөвдүгээр хуралдаанд оролцож дэлгэрэнгүй үг хэлсэн байна. Тэрээр хэлэхдээ Абайн нэрэмжит институт нь бүх гол түнш орнуудад казах соёлыг удирдан чиглүүлэгч байх ёстой гэдэг санааг илэрхийлсэн байна.
Касым-Жомарт Токаев хэлэхдээ “Энэ жил бид агуу Абайн 180 жилийн ойг тэмдэглэж байна. Таван жилийн өмнө, их сэтгэгчийн 175 жилийн ойн үеэр би Семейд абай судлаачидтай уулзахдаа Абайн институт байгуулах санал тавьсан. Өнөөдөр манай диаспора болон гадаадын иргэдэд казах хэл сурахад нь туслах зорилгоор энэхүү санаачилгыг дижитал платформ хэлбэрээр хэрэгжүүлж байна. Энэхүү төслийг Күнз, Гёте, Сервантесын институтын загвараар үйл ажиллагаа явуулдаг соёл, боловсролын байгууллагуудын сүлжээ болгон хувиргах нь чухал юм. Абайн институтыг бүх гол түнш оронд манай соёлын хөтөч болгохыг уриалж байна. Тодруулбал, Хятад, Турк, Монгол болон бусад хэд хэдэн оронд ийм төв нээх боломжтой. Гадаад харилцааны яам, “Отандастар” сан, Соёл, мэдээллийн яамтай хамтран гадаадад ийм төв нээх ажлыг үргэлжлүүлэхийг даалгаж байна” гэж байна.
Эх сурвалж: polit.mn