Т.САЙХАН

Нам эвслүүд 2024 оны УИХ-ын сонгуульд нэр дэвшигчдээ  тодруулаад байна.  Сонгуулийн гуравдугаар тойрог буюу Баян-Өлгий аймаг гурван мандаттай.  Тус тойрогт МАН-аас  УИХ-ын гишүүн Т.Аубакир, Хөгжлийн банкны Эрсдэлийн удирдлагын газрын захирал, Хөгжлийн банкны дэд захирал асан З.Батырбек,  Эрчим хүчний сайдын зөвлөх, “Рысжан” ХХК-ийн ерөнхий захирал Х.Жангабыл нар нэр дэвшиж өрсөлдөхөөр мандатаа авлаа. 

Хөгжлийн банкны чанаргүй зээлийн асуудал өнгөрсөн хугацаанд нийгэмд нэлээд асуудал дагуулж, тус банк бараг дампуурлаа зарлах дээрээ тулсан.  Засгийн газраас Ажлын хэсэг байгуулж, банкны чанаргүй зээлүүдийг эргэн төлүүлэх ажлыг зохион байгуулснаар одоо үйл ажиллагаа нь хэвийн болоод байна.   Тэгвэл З.Батырбекийн хувьд зээлийн асуудал нийгэмд маргаан тарьсан амаргүй он жилүүдэд банкны үйл ажиллагааг удирдлагаар хангаж ажилласан байдаг.  

Баян-Өлгийн тойрогт АН-аас одоогийн УИХ-ын гишүүн  Б.Бейсен болон Ш.Жандос, Х.Дармен нар, ХҮН-аас Б.Мухит, Ц.Цолмон, М.Болат нар нэр дэвшин өрсөлдөхөөр болжээ. 

Эх сурвалж:www.polit.mn