П.АМГАЛАН

Архангай аймагт болж буй монгол өв соёлоо түгээн дэлгэрүүлэх ,өвлийн аялал жуулчлалыг хөгжүүлж, орон нутгаа  сурталчлах зорилго бүхий  "Winterland ice festival" арга хэмжээ хоёр дахь өдрөө  болж өндөрлөлөө.  Цэвэр агаар, байгалийн  сайханд  гэр бүл, найз нөхөдтэйгөө зорин очих хүмүүсийн хөл хөдөлгөөн ч их байв. Мөн анх удаа өвсөн стадион болж, өвлийн аялал жуулчлалын жишиг болж буйгаараа онцлогтой. Сонирхолтой үзүүлбэр бүхий тус арга хэмжээг Архангай аймгийн аялал жуулчлалын холбоо, ARA complex-тэй хамтран  зохион байгуулж байна.

Өнөөдрийн  сонирхолтой хөтөлбөрийн нэг нь хамгийн сайхан үндэсний хувцастай эрэгтэй, эмэгтэй болон гэр бүлийг шалгаруулсан юм. Тус тэмцээнд 30 гаруй залуус оролцов. "Winterland ice festival" арга хэмжээний сайхан дээлтэй гэр бүлийн хосоор Ихтамир сумын иргэн О.Энхбаяр, О.Отгонбаяр нар шалгарлаа. Харин оролцогч эрэгтэйчүүдээс М.Энх-Амгалан, эмэгтэйчүүдээс Д.Даваамаа шалгарсан юм.

Үндэснийхээ хувцсаар гангарч,  өв соёлоо түгээн дэлгэрүүлж буй тэдний агшинаас хүргэе.