Б.ДАРЬСҮРЭН

ОХУ цэргийн дайчилгаа зарласнаас хойш Алтанбулаг боомтоор тус улсын 6268 иргэн орж иржээ.

Тодруулбал, ОХУ-ын Ерөнхийлөгч Владимир Путин өнгөрсөн сарын 21-нд цэргийн дайчилгаа зарласны дараа Монгол Улс руу нэвтрэх гэсэн орос иргэд хилийн боомт дээр урт дараалал үүсгээд зогсохгүй, хил нэвтэрсэн ОХУ-ын иргэдийн тоо хоногийн дотор гурав дахин нэмэгдсэн.

Өнгөрсөн сарын 22-ны 08:00 цагаас 29-ний 08:00 цаг хүртэл манай улсад ОХУ-ын 6268 иргэн ирсэн бол 1107 иргэн буцсан талаар ХХЕГ-аас мэдээлэв.

Тус байгууллагаас өгсөн мэдээллээр "Өнгөрсөн сарын 15-21-нийг хүртэл манай улсын хилээр нэвтэрсэн ОХУ-ын иргэдийн тоонд их зөрүү байгаагүй. Алтанбулаг боомтоор өдөрт тус улсын 160-200 гаруй иргэн ирж, мөн адил тооны эсвэл илүү их иргэн буцдаг байсан. Харин өнгөрсөн сарын 22-ноос эхлэн хөдөлгөөн огцом эрчимжиж, манай улсад орж ирэх ОХУ-ын иргэдийн тоо өссөн" гэлээ.

Эх сурвалж: www.polit.mn