Б.НЯМСҮРЭН

Жил бүр уламжлал болгон Өмнөговь аймагт  зохион байгуулдаг Сарлагийн баяр энэ сарын 17-нд Ёлын аманд болох тов гарчээ.

Өмнөговийн брэнд эвент, сарлагийн баяраар сарлаг үхрийн зан үйлтэй холбоотой буухиа тэмцээн, сарлаг самнах, сарлагийн шилмэл бух, үнээ шалгаруулах, сарлагийн уралдаан, сарлаг булгиулах төрлүүдээр өрсөлдөж, аваргуудаа шалгаруулах юм.

Оролцогч, үзэгчид улсын тусгай хамгаалалттай газар нутагт нэвтрэх ажил үйлчилгээний нэг удаагийн тасалбарыг хог хаягдлын хураамжны хамт төлж, баяртаа оролцох боломжтой.

Тус аймаг нь сарлагыг өсгөн үржүүлэх уналга эдэлгээнд хэрэглэх, сүү цагаан идээ, хөөврийг нь амьдрал ахуйдаа ашиглах, амьдын үнэлэмжийг нэмэгдүүлэх зорилгоор 2012 оноос эхлэн энэ баярыг зохион байгуулж байна.

Эх сурвалж: polit.mn