Ж.ИДЭР

Олон улсын валютын сангаас 2014-2015 оны дэлхийн эдийн засгийн шинэчилсэн төлвийг танилцуулсныг “Блүүмберг” мэдээлэв. Тус сангаас үзэж буйгаар дэлхийн эдийн засаг энэ онд 3.6 хувиар өсөх нь. Энэ онд манай улсын эдийн засгийн өсөлт 12.9 хувь байх бол ирэх онд 7.7 хувьд хүрэх аж.

АНУ-ын эдийн засгийн өсөлт энэ онд 2.8 хувь, ирэх онд гурван хувиар өснө гэсэн төлвийг өөрчлөөгүй байна. Дэлхийн гурав дахь том эдийн засаг болох Японы хувьд худалдааны татвараа найман хувь болгож нэмэгдүүлсэн нь эдийн засгийн өсөлтөө хойш татна гэж үзжээ. Ингэхдээ Японы эдийн засгийн төлвийг энэ оны нэгдүгээр сард танилцуулж байснаас 0.2 хувиар буруулж 1.3 хувьд хүргэжээ. Үүнээс гадна ОУВС-гаас хөрөнгө оруулагчид хөгжиж байгаа орнуудаас хөрөнгөө татаж, хөгжингүй орнууд руу чиглүүлэх хандлагатайг сануулсан байна. Мөн тус байгууллагын зүгээс БНХАУ-ын эдийн засгийн төлвийг 7.5 хувьтай гарна гэж үзсэн байна. Энэ нь Хятадын Засгийн газрын зорилттой таарч байгаа юм.