“...Хамтарсан юм бол хамгаал, чадахгүй бол огцруулна”

2024-09-18
Нийтэлсэн: Админ
 3 мин унших

Б.ГАРЬД

 

Ер нь бол АН-ыг гаднаас нь хараад ийм, тийм гэж дүгнэхэд хэцүү. Эвлээд ч байгаа юм шиг, эвдрээд ч яваа юм шиг харагдаад байдаг. Тус намын дарга асан хүмүүс “…АН-ын дарга л АН-ынхаа зовлонг ойлгоно” гээд байдаг юм. Сая, УИХ-ын сонгуулийн үеэр АН-ын дарга асан Н.Алтанхуяг “…Намын дарга, удирдлага байна гэдэг манай намын хувьд зовлон байдаг юм. Та нарт өнгөц замбараагүй харагдаж байж болно. Гэхдээ чөлөөтэй байна гээд дураараа дургина гэж байхгүй. Тэгэхээр энэ хоёрын завсарт явахыг намыг авч явах урлаг гэж хэлнэ. Энэ нь маш хэцүү” гэж байсан юм. Нэг талаас энэ үнэн.

Гэвч АН ямар ч байсан нийлж байгаад УИХ-ын сонгуульд орсон. Одоо Орон нутгийн сонгуульд “зодоглож” байна. Хэдийгээр албан ёсоор эвлээд яваад байгаа ч дотоод амьдрал нь маш “экстрем” хэвээр л байгаа бололтой.

Мөн гурав, дөрвөн жил тарж бутарч яваад өнгөрсөн 2023 оны эхэнд л учир зүйгээ олж байснаа бодвол АН-ынхан бас ч гэж цэгцрээд байх шиг байна. Өөрөөр хэлбэл, “...АН-ын зовлон хаанаа байна вэ” гэдгийг энэ намынханд, олон нийтэд ч ил тодорхой болжээ.

Угтаа УИХ-ын 2024 оны сонгууль эхлэхээс л “...АН-ын дарга Лу.Гантөмөр намаасаа нэр дэвшиж сонгогдож байсан экс хоёр Ерөнхийлөгчийн хавчлагад яваад байна” гэгдэж байв.

Өнөөдөр тэр хэвээрээ л байгаа аж. Яг үнэндээ АН засагт хамтарсан биш өнөөх хоёрынх нь дарамт шахалт улам нэмэгджээ.

Лав дөрөв дэх Ерөнхийлөгчөөр ажиллаж байсан эрхэм Америкаас холбогдоод “агсам” тавиад байдаг болсон байгаа юм. Тэрбээр “...Засагт хамтарчхаад яагаад хамгаалахгүй байгаа юм. Намын чинь хэдэн нөхөд гадаадад байна. Хэрэг зогсоож өг л дөө, ямар арчаагүй юм бэ. Үгүй бол огцруулна” гэжээ. Харин АН-ын удирдлагууд хариуд нь “Бид шударга ёс дээр хамтрахаар тохирсон. Шударга бус зүйлийг хаацайлахгүй гэж тохирсон. Хэлсэндээ байхаас өөр аргагүй. Энэ зарчмаас одоо буцах боломжгүй” гэсэн тухай АН-ынхан нэвт ярьж байна.

Үнэхээр ч хууль хяналтынхны хийж гүйцэтгэж байгаа ажиллагаа сүүлийн үед мань эрд улам ойртсон бололтой. Тиймээс сандарч намынхаа удирдлага, тэгээд бас жагсаалтад оруулж гишүүн болгосон, нэр дэвшүүлж сонгуулсан хүмүүстэйгээ холбогдож дээрх “санал”-аа хэлэх болсон байна. Лав өнгөрсөн долоо хоногийн амралтын өдрүүдээр түүнтэй ийм холбоотой нэр бүхий 3-4 гишүүн нэгэн том компанийн оффист уулзаж “экс”-ийн хэлснийг хэрхэн хэрэгжүүлэх талаар ярьжээ. Тэнд ярьснаа хэрэгжүүлж, тэд удахгүй ил гарч ярих юм байна. Андашгүй л дээ, сая ээлжит бус чуулганы үеэр нэг гишүүн “…Улсын эрх ашиг нэгдүгээрт, улс төрийн намын эрх ашиг хоёрдугаарт, эцэст нь хувийн эрх ашиг байх зарчмыг үнэт зүйлээ болгоно гэж байна. Би үүнийг жаахан гайхаад байна. Улс төрийн намын эрх ашиг гэж бас юу вэ. Энэ нь Засгийн газрын мөрийн хөтөлбөрт орох ёстой юм уу” гэж байсан даа. Ерөнхийдөө ийм байдлаар үзэл бодлоо илэрхийлж гарч ирдэг.

Тав дахь экс бас АН-ын дарга Лу.Гантөмөрийн эрх мэдлийг хувааж эдлээд ханахгүй байгаа дуулдах болов. Бас л АН-аар дүүрэн ярьж байгаа сэдэв л дээ. Мань эр өнгөрсөн жил АН-ын дотоод сонгууль болох үеэр хотыг мэдэлдээ авчихсан. Хүнээ тавьчихсан. Үүнийхээ буяныг эдэлж сая НИТХ-ын сонгуульд өөрийн гэсэн бүх хүнээ нэр дэвшүүлжээ. Ингээд НИТХ-д АН дахь олон фракц байтугай АН-ын дарг Лу.Гантөмөрийн ганц ч хүн багтаж чадаагүй байгаа юм. Энэ мэтээр “экс”-үүд намын даргаа амар байлгахгүй л байгаа аж. Н.Алтанхуяг нарын хэлдэг шиг зовлонгоо өөрөө яривал Лу.Гантөмөр ихийг хүүрнэх байх даа.

Эх сурвалж: “Зууны мэдээ” сонин

2024 ОНЫ ЕСДҮГЭЭР САРЫН 18. ЛХАГВА ГАРАГ. № 181 (7425)

 

 

Ховор элементийн төлөө хошуурах нь...

Технологийн шинэ эрин зуунд тэргүүлэх байр сууриа алдахгүйн төлөөх өрсөлдөөн улс орнуудыг газрын ховор элеме

54 мин
Ховдын дарга “…“Халзан бүрэгтэй” хөдөлнө” гэлээ, бүгд ингэвэл төрийн шийдвэр хэрэгждэг болно

Монголын төрийн дээд түвшинд бодлого болж гарсан шийдвэрүүд дундаа, доороо очоод замхардаг. Т

54 мин
“...Төрд томоохон цомхотгол хийх” саналыг Засгийн газар бэлджээ

УИХ-ын энэ удаагийн хаврын чуулган улс оронд тулгараад байгаа олон асуудлаар шийдвэр гаргана.

54 мин
Н.Номтойбаяр: Х.Баттулгатай мөнгө угаасан байж болзошгүй

Н.Номтойбаяр: Х.Баттулгатай мөнгө угаасан байж болзошгүй

15 цаг 19 мин
Б.Жавхлан: Хар буруу юм наах гэж байгаа бол амжихгүй шүү, Б.Энхбаяр аа

Б.Жавхлан: Хар буруу юм наах гэж байгаа бол амжихгүй шүү, Б.Энхбаяр аа

15 цаг 32 мин
Ө.Шижир: ХҮН нам сонгуулийн санхүүжилтийнхээ 98 хувийг нэг компаниас авсан нь хуульчилагдсан авлига шүү

Ө.Шижир: ХҮН нам сонгуулийн санхүүжилтийнхээ 98 хувийг нэг компаниас авсан нь хуульчилагдсан авлига шүү

15 цаг 49 мин
Т.Сайнжаргал МАН-ын Ерөнхий нарийн бичгийн даргын зөвлөх болжээ

Т.Сайнжаргал МАН-ын Ерөнхий нарийн бичгийн даргын зөвлөх болжээ

18 цаг 4 мин
Б.Бэйсен: Хамгийн аюултай ковидын төсвийг шалгаж үзсэн үү

Б.Бэйсен: Хамгийн аюултай ковидын төсвийг шалгаж үзсэн үү

18 цаг 14 мин
С.Эрдэнэболд: Утааг бууруулах төсвөөс одоогийн байдлаар 190 гаруй тэрбум төгрөгийн зөрчил илрээд байна

С.Эрдэнэболд: Утааг бууруулах төсвөөс одоогийн байдлаар 190 гаруй тэрбум төгрөгийн зөрчил илрээд байна

18 цаг 52 мин
Б.Пүрэвдорж: "Цагаан хад-Ганцмод"-ны боомтын хооронд 29 км зайд нүүрсийг 129 сая төгрөгөөр тээвэрлэж хулгай хийсэн

Б.Пүрэвдорж: "Цагаан хад-Ганцмод"-ны боомтын хооронд 29 км зайд нүүрсийг 129 сая төгрөгөөр тээвэрлэж хулгай хийсэн

19 цаг 14 мин