“Polit.mn” сайт “Төрсөн өдөр” буландаа наймдугаар сарын 19-нд төрсөн өдөр нь тохиодог эрхмүүдээс хуульч Д.Үүрцайхыг онцолж байна.

Хуульч, улс төр судлаач Д.Үүрцайх Үндсэн Хууль, парламентын ардчилалтай холбоотой асуудлаар идэвхтэй байр сууриа илэрхийлсээр ирсэн. Тэрээр Үндсэн хуульд УИХ-ыг тараах механизм байхгүйг онцолсон буюу энэ нь парламент хариуцлага хүлээдэггүй, улмаар популист үзэл баримтлал давамгайлахад хүргэдэг гэж үзсэн. Түүнчлэн 76 гишүүн төлөөллийн ардчиллын зарчмыг хангаж чадахгүй, 150 болговол илүү үр дүнтэй гэж дүгнэсэн удаатай. Тэрээр ХҮН намын Хууль, эрх зүй хариуцсан нарийн бичгийн даргаар ажиллаж байсан төдийгүй 2024 оны Улсын Их Хурлын сонгуулиар ХҮН намаас нэр дэвшсэн билээ. ХБНГУ-ын Бонн хотын их сургуулийг төгссөн ба одоогоор өмгөөллийн “Де Юре партнерс” ХХН-ий гүйцэтгэх партнераар ажиллаж буй. Түүнд төрсөн төрсөн өдрийн мэнд хүргэе.

Эх сурвалж: www.polit.mn