Тайванийн ерөнхийлөгч АНУ-д айлчилна

2023-03-23
Нийтэлсэн: Админ
 2 мин унших

Баярмэндийн ДОЛЖИНЖАВ

 

Тайванийн ерөнхийлөгч Цай Ин Вэн Төв Америкийн Гватемал, Белиз улсаар айлчлахдаа АНУ-д албан ёсны бус айлчлал хийнэ гэдгийг Тайванийн Засгийн газраас өчигдөр мэдээллээ. Үүнийг Хятадтай үүссэн  зөрчлийг нэмэгдүүлэхээс зайлсхийж АНУ-ын ерөнхийлөгч Жо Байдентай уулзах гэж байна хэмээн зарим ажиглагчид үзэж байна. Тодруулбал, Цай Ин Вэн энэ сарын 30-нд Нью Йорк хотод очих юм байна. Дараа нь Лос Анжелес хотоор дамжих урьдчилсан тов гарчээ. Калифорнид байхдаа АНУ-ын Төлөөлөгчдийн танхимын дарга Кевин Мак Картитай уулзана гэж Тайванийн ерөнхийлөгчийн ажлын албанаас мэдээлэв.

Цэргийн зэвсэг, хэрэгслийн худалдаа, нисдэг бөмбөлөг гэсэн хэд хэдэн асуудлаас үүдэн АНУ болоод Хятадын харилцаа хурцдаад байгаа билээ. Тиймээс Цай Ин Вэнийн АНУ дахь албан бус айлчлалыг Хятадын Гадаад хэргийн сайд буруутгаж,  АНУ болон Тайванийн Засгийн газар хооронд ямар нэгэн хэлэлцээр хийж болохгүйг анхааруулав.

Энэ талаар Хятадын Гадаад хэргийн яамны хэвлэлийн төлөөлөгч Ван Вэн Бин “Тайванийн тусгаар тогтнолыг хүлээн зөвшөөрөхгүй гэдгээ эрх баригчдад нь дахин анхааруулья. Хэрэв гадны ямар нэгэн улсын тусламж болон өдөөн хатгалгаар тусгаар тогтнох оролдлого хийвэл юу ч бүтэхгүй” гэж “Aljazeera”-д ярьжээ. Тэрбээр Германы Боловсролын сайд энэ долоо хоногт Тайваньд айлчлах мэдээллийг ч эрс шүүмжилсэн юм. Герман нь АНУ-тай адил Тайваньтай албан ёсоор дипломат харилцаа тогтоогоогүй. Гэсэн ч Хятадын Гадаад хэргийн яам тус айлчлалыг “Нэг Хятад” бодлогод халдсан хэмээн буруутгасан байна. АНУ нь Тайванийн хамгийн том зэвсэг нийлүүлэгч, гол холбоотон орон юм.

Тиймээс Цай Ин Вэнийн айлчлалын үеэр Хятадын зүгээс ямар нэгэн хариу үйлдэл үзүүлнэ гэж таамаглаж, Тайванийн Батлан хамгаалах яам урьдчилан сэргийлэх арга хэмжээг авна гэж салбарын дэд сайд По Хорнг-Хуэй мэдэгджээ. Ардчилсан засаглалтай Тайванийг өөрийн нутаг дэвсгэр гэж үздэг Хятад нь АНУ-ын Төлөөлөгчийн танхимын даргын Тайпей дэх айлчлалын дараа өнгөрсөн оны наймдугаар сард арлын эргэн тойронд томоохон хэмжээний цэргийн сургуулилалт хийж сүрдүүлж байв. Дашрамд дурдахад Гватемал, Белиз улсууд нь Тайванийн тусгаар тогтнолыг хүлээн зөвшөөрсөн 14 орны хоёр нь юм.

Эх сурвалж: “Зууны мэдээ” сонин

2023 ОНЫ ГУРАВДУГААР САРЫН 23. ПҮРЭВ ГАРАГ. № 59 (7044)

 

Э.Бат-Үүл: Л.Гантөмөр, Ц.Туваан нар Монголын зүрхийг амьдаар нь "сугалах” гэж байна

Э.Бат-Үүл: Л.Гантөмөр, Ц.Туваан нар Монголын зүрхийг амьдаар нь "сугалах” гэж байна

1 цаг 9 мин
Сонгуулийн тухай хуульд өөрчлөлт оруулж баталлаа

Сонгуулийн тухай хуульд өөрчлөлт оруулж баталлаа

1 цаг 16 мин
Сайд нар мега төслүүдээс түрүүлээд өөрсдөө “мега” болоод байна уу?!

УИХ-ын 2024 оны сонгуулиар улс төрийн намуудын гол концепц нь “...Төрийн түшээ бол дарга би

5 цаг 59 мин
Гишүүд “…Хараат боллоо” гэж хашгирахын оронд хайгуул хийх эрх зүйг ярих хэрэгтэй

Ниргэсэн хойно нь хашгирна. Энэ үг өчигдрийн чуулгандаа суусан эрхэм гишүүдэд яг таарч байна. Засгий

5 цаг 59 мин
Д.Амарбаясгалан: Би "Бортээг"-ийн ордыг эзэмшдэг юм уу

Д.Амарбаясгалан: Би "Бортээг"-ийн ордыг эзэмшдэг юм уу

20 цаг 47 мин
Б.Пүрэвдорж: Сайд, дарга нар нь Эрдэнэс тавантолгой дээр очоод биржийн гэрээ хийгээд байна

Б.Пүрэвдорж: Сайд, дарга нар нь Эрдэнэс тавантолгой дээр очоод биржийн гэрээ хийгээд байна

20 цаг 56 мин
УИХ-ын чуулганы нэгдсэн хуралдаанаар Биржийн тухай хуулийн төслийг хэлэлцэж байна

УИХ-ын чуулганы нэгдсэн хуралдаанаар Биржийн тухай хуулийн төслийг хэлэлцэж байна

Өчигдөр 10 цаг 34 мин
БНТУ-ын Ерөнхийлөгч Режеп Таийп Эрдоган манай улсад айлчилна

БНТУ-ын Ерөнхийлөгч Режеп Таийп Эрдоган манай улсад айлчилна

Өчигдөр 10 цаг 25 мин
Ерөнхийлөгч У.Хүрэлсүх Ялалтын баярт оролцоно

Ерөнхийлөгч У.Хүрэлсүх Ялалтын баярт оролцоно

Өчигдөр 10 цаг 14 мин
О.Алтангэрэл: П.Батчулуун эмчийн өвчин хорих ял эдлэхээс чөлөөлөх өвчний жагсаалтад багтсан

О.Алтангэрэл: П.Батчулуун эмчийн өвчин хорих ял эдлэхээс чөлөөлөх өвчний жагсаалтад багтсан

Өчигдөр 09 цаг 37 мин