Өнөөдрийг эхлүүлэх чухал таван мэдээ

2019-04-23

Ж.ЦОГЗОЛМАА

АНУ-ын Ерөнхийлөгч Д.Трамп Ираны газрын тосны экспортыг бууруулахад нөлөөлөхүйц шийдвэр гаргасны дараа хар алтны үнэ өсөх хандлага ажиглагдаж эхэлжээ. Самсунг эвхэгддэг гар утсаа энэ долоо хоногт танилцуулж, Шри Ланкад орон нутгийн террорист халдлага болсон гээд долоо хоног үйл явдлаар дүүрэн эхэлж байна.

 

Хориг арга хэмжээг Ираны тал эсэргүүцэв

 

Д.Трампын засаг захиргаанаас Ираны газрын тосны экспортод тавьсан хориг арга хэмжээний эсрэг Иран улс тэмцлээ үргэлжлүүлэх төлөвтэй байна. Улмаар Лондонд үүний нөлөөгөөр түүхий нефтийн үнэ огцом өссөн байна. Энэ нь хөрөнгө оруулагчдад таатай нөхцөл бий болгож байна.

 

Самсунг дэлгэдэг утасныхаа нээлтийг хойшлууллаа

 

Samsung Electronics Co. компани дэлгэдэг ухаалаг гар утасныхаа нээлтийн арга хэмжээг хойшлуулахаар болсон байна. Энэ нь тус компаниас гаргадаг тайлангийн танилцуулгатай холбоотой бололтой. Ингэснээр дэлгэдэг гар утасны жижиглэн худалдааны товыг хойшлуулах шаардлагатай болсон байна. Хэд хэдэн мэдээллийн агентлагийн дамжуулснаар 1980 ам.долларын үнэ бүхий энэхүү төхөөрөмжийн тест хийгдсэн өдрүүдэд асуудал гарсан байхыг үгүйсгэхгүй гэжээ. Тиймээс тус компаниас дахин шалгалт хийхээр төлөвлөсөн байна.

 

Хувьцааны үнэ, нефтийн ханш өсчээ

 

АНУ-ын хөрөнгийн биржүүдийн хаалтын ханш өсөхийн хэрээр Азийн хувьцаануудын эрэлт ч нэмэгдсэн байна. Хөрөнгө оруулагчдад таатай мэдээлэл тарж эхэлсэн нь үүнтэй холбоотой бололтой. Цагаан ордон Ираны газрын тосны экспортод хориг тавьсны дараа нефтийн эрэлт огцом нэмэгджээ.

 

Шри Ланкад болсон халдлага

 

290 хүн амиа алдаж, 500 гаруй хүн шархадсан Шри Ланкад болсон халдлагын буруутан нь National Thowheed Jamath хэмээх орон нутгийн жихадист групп хэмээн Шри Ланкийн Засгийн газар буруутгаж байгаа юм. Энэхүү халдлагын үеэр сүм хийдүүд болон томоохон зочид буудлууд халдлагад өртсөн байна.

 

Филлипид газар хөдлөлт болж, хамгийн багадаа найман хүн амиа алджээ

 

6.3 магнитудын хүчтэй газар хөдлөлт өчигдөр орой Филлипинд болж, хамгийн багадаа найман хүн нас барсан хэмээн орон нутгийн засаг захиргаанаас мэдэгдэж байна. Газар хөдлөлт Манила хотоос нэг км-ийн газарт  болсон байна.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ