Хүй долоон худгыг зорих гэж байна уу, заавал уншаарай

2018-07-11

Т.САЙХАН

 Хүй долоон худагт наадам сайхан болж байна.   Та яг одоо Хүй долоон худгийн зорих гэж байгаа бол дараах мэдээлэлд анхаарлаа хандуулна уу.

-Хүй долоон хутаг Улаанбаатараас 35 км-ын зайтай оршдог.  Автозамын хяналтад Нийслэлийн замын цагдаагийн газрын алба хаагчид ажиллаж байна.

 -Тэнд 156 хуушуурын гэр, 50 хорхогийн гэр наадамчин олонд үйлчилж байна. Хуушуур 1000, нэг аяга хорхог 7000 төгрөгийн үнэтэй байна.

-Хуушуурын асраас гарааны зурхай хүртэл эко автобус наадамчин олонд үйлчилж байгаа бөгөөд хамгийн эрэлттэй унаанд ороод байна.

-“Соёлын наадам” Хүй долоон худгийн Монгол наадам цогцолборт 11 дэх жилдээ зохион байгуулагдаж байна. Соёлын наадам өнөөдөр, маргааш /07.11,12/ хоёр өдөр үргэлжлэх бөгөөд соёлын өвүүдийг харуулдгаараа онцлогтой билээ.

-Энэ  үеэр өөрийн нэрээ монгол уран бичлэгээр бичүүлж авах боломжтой, Үндэсний хувцастайгаар зургаа татуулж болно, нум сум яаж хийдгийг хараарай. Дэмбээдэхийг харж, өөрөө ч дэмбээдэх боломжтой юм.

-Цаг агаарын хувьд ойрын хоёр өдөр үүлэрхэг. Шөнөдөө бороо, өдөртөө бага зэргийн бороо орно. Салхи баруун хойноос секундэд 6-11 метр, өдөртөө секундэд 13-15 метр хүрч ширүүснэ. Шөнөдөө 8-10 градус, өдөртөө 16-18 градус дулаан байна.

-Өнөөдөр /07.11/ Хүй долоон худгийн  наадмын нээлтийн ажиллагаа /тусгай хөтөлбөрөөр/

14.00-17.00   Их насны морьдын уралдаан

-Долдугаар сарын 12-ны пүрэв гаригт 07.00-9.20 Соёолон насны морьдын уралдаан, 10.30-12.30  Дааганы уралдаан

-Долдугаар сарын 11-нд 14.50-15.20 “Морьтон Монголчууд” морин спортын үзүүлэх тоглолт, 16.00-19.00  Холч морьдын уралдаан

-Долдугаар сарын 13-нд уяачдын наадам болно.

Эх сурвалж:www.polit.mn

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ