“Юнайтедфрэндс групп”-ийн үүсгэн байгуулагчид “Эрдэнэт үйлдвэр”-ийн удирдлагад багаараа томилогджээ

2019-12-03

“Эрдэнэт”-ийн оффшорын хэргээр саатуулагдсан “Азаргын гол чонот” ХХК-ийн эзэн Б.Отгонбаатарын бас нэг компани нь “Юнайтедфрэндс групп” ХХК юм.

Энэ компани 2009 оны гуравдугаар сарын 24-нд Б.Отгонбаатар аялал жуулчлал, гадаад худалдааны үйл ажиллагаа явуулах чиглэлтэйгээр байгуулагдсан.

Б.Отгонбаатар нь “Юнайтедфрэндс групп” ХХК-ийн 35 хувийг, харин үлдсэн 65 хувийг зургаан хүн эзэмшдэг байна.

Тус компанийн гүйцэтгэх захирал Ц.Батзориг 31 хувийг, ЦЕГ-ын тэргүүн дэд дарга асан, бригадын генерал А.Дулаанжаргал таван хувийг, 2013-2016 онд “Эрдэнэт үйлдвэр”-ийн “РСЦ” ХХК-ийн гүйцэтгэх захирал байсан /Совместного Монголо-Российсного объядинения Монголросцветмет в городе Улан-Уде “Монголросцветмет” ХХК/ Н.Батцэнгэл дөрвөн хувийг,   “Түшээ говь” ХХК-ийн захирал Ө.Энхтүвшин найман хувийг, “Монэнергео” ХХК дэд захирал / Purevsuren G  Mon energio LLC /MN, General director/ Г.Пүрэвсүрэн 14 хувийг,  “Монгол Фү Ёоу Хуа Фүнг Ресистент Ма” компанийн Б.Ганболд гурван хувийг тус тус эзэмшдэг байна.

Энд бас нэг сонирхолтой холбоос гарч ирж байна. “Юнайтедфрэндс групп” ХХК-ийг 2009 оны гуравдугаар сарын 24-нд хамт үүсгэн байгуулалцсан хүмүүс байдаг. 2012-2016 онд “Эрдэнэт үйлдвэр”-ийн Тамгын хэлтсийн даргаар ажиллаж байсан Н.Баттулга,  2012-2014 онд “Эрдэнэт үйлдвэр”-ийн ХХЭАХ-ийн даргаар ажилласан Ч.Бямбаа, 2012-2016 онд “Эрдэнэт үйлдвэр”-ийн Үйлдвэрлэл эрхэлсэн орлогч захирлаар ажиллаж байсан Доржийн Даваасамбуу, мөн хугацаанд “Эрдэнэт үйлдвэр”-ийн ерөнхий захирлаар ажилласан Цэрэвсамбын Даваацэрэн  нар юм. Тэд үүнээс гуравхан жилийн дараа “баг”-аараа “Эрдэнэт үйлдвэр”ийн удирлагад очсон байгаа юм.

Түүнчлэн энэ хүмүүс “Юнайтедфрэндс групп” ХХК-ийг үүсгэн байгуулсан өдрөө хувьцаа эзэмшлээс гарсан байна.

Өөрөөр хэлбэл, 2009 онд “Юнайтедфрэндс групп” ХХК-ийг үүсгэн байгуулалцаж явсан, 2012 онд “Эрдэнэт үйлдвэр”-ийн ерөнхий захирлаар томилогдсон Ц.Даваацэрэнг одоогоос сарын өмнө Б.Отгонбаатарын хамт 30 хоногийн хугацаагаар цагдан хорьсон юм.

ЭРЭН СУРВАЛЖЛАХ АЛБА

 

Эх сурвалж: “Зууны мэдээ” сонин

2019.12.3  МЯГМАР  №239  (6206)

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

  • ЦЭлбэгдорж С Баяр нарын гар хөл болсон А Дулаанжаргал ЦДаваацэрэн Б Отгонбаатарыг сулалуулахаар хууль шүүхийн байгуулагын дарга нарын үүд сахиж заримыг нь дарамтлаж яваа гэсэн шүү А Дулаанжаргал Төмөр -Очир С Зоригын аллагын хэрэг дээр ажиллаж жонхууруулсан хүний нэг бөгөөд С Баярын найз С Баярыг Оросд Элчин байхад цуг ажиллаж байсан нөхөр Цагдаагийн байгууллага энэ нөхөрдөө анхаарахгүй бол нэр хүндийг чинь нэг л өдөр шавартай холих байхаа

Холбоотой мэдээ