Амралтын өдрүүдээр ихэнх нутгаар бороо орно

2019-07-20

Амралтын өдрүүдээр ихэнх нутгаар бороо орно. Тухайлбал, долдугаар сарын 20-нд буюу бямба гаригт баруун аймгийн баруун хэсгээр, төвийн аймгийн зарим газраар, зүүн аймгийн ихэнх нутгаар, 21-нд буюу ням гаригт баруун аймгуудын нутгийн зарим газар, төвийн аймгуудын нутгийн баруун, зүүн аймгуудын нутгийн зүүн хэсгээр дуу цахилгаантай орно гэдгийг Цаг уур, орчны шинжилгээний газраас мэдээлжээ.

Тиймээс иргэддээ аян замд гарах, амралт зугаалгаар явах бол үер усны аюулаас сэрэмжтэй байхыг та бүхэнд анхааруулж байгаа юм. Улаанбаатар хотод өнөөдөр /2019.07.20/ 26 хэмийн дулаан, аянга цахилгаантай бага зэргийн аадар бороо орно гэдгийг цаг уурчид мэдээллээ.

Өнгөрсөн хоногт Төв, Говь, Зүүн аймгуудын ихэнх нутгаар 0.242 мм их бороо орсоноос хамгийн их нь Дорнодын Булганд 42 мм, Чойбалсанд 18 мм, Баянтүмэнд 24 мм, Төв аймгийн Зуунмодод 37 мм, Нийслэл хот орчмоор 19-26 мм, Архангайн Батцэнгэлд 26 мм, Увсын Өндөрхангайд 25 мм, Дундговийн Говь-Угтаалд 1мм бороо орсон байна.

Улаанбаатар хот орчмоор өчигдөр /07.19/0.3-0.7 мм, өнгөрсөн шөнө 19.0-26 мм бороо орсон. Салхи баруун өмнөөс секундэд 5-10 метр хүрч,  22-24 градус, өнгөрсөн шөнө 15-17 градус дулаан хоножээ.

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ