Архангай аймгийн уяач Р.Дуламсүрэнгийн халиун даага түрүүллээ

2019-07-12

Б.НАМУУНТАМИР

Үндэсний их баяр наадмын хурдан морьдын уралдаан дааганы уралдаанаар хаалтаа хийлээ. Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадмын  хурдан дааганы уралдаанд газар газраас шигшигдэж ирсэн 200 гаруй даага уралдснаас энэ жилийн дааганы уралдаанд Архангай аймгийн уяач Р.Дуламсүрэнгийн халиун даага түрүү магнай хүртэж түмэн олноо баярлуулав. Энэ жил 284 даага бүртгүүлснээс 54 даага  сэрвээний өндөр, үүлдрээсээ болж хасагджээ.
Аман хүзүүнд Сүхбаатар аймгийн Дарьганга сумын харьяат Г.Чинзоригийн хээр даага, айргийн гуравт Дорнод аймгийн Халхгол сумын харьяат С.Батмөнхийн халтар, дөрөвт Сэлэнгэ аймгийн Мандал сумын харьяат, Ерөнхий сайд асан Ж.Эрдэнэбатын шаргал, айргийн тавд Говь-Алтай аймгийн Шарга сумын харьяат Д.Амарсанаагийн хүрэн даага хурдлав.

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ