ВВС-ийн эрэн сурвалжлага: Татварт 35, тансаг харшдаа 14000 паунд төлдөг баян бизнесмэн

2019-06-03

Ж.ЦОГЗОЛМАА

ВВС-ийн эрэн сурвалжлах сэтгүүлчдийн хөдөлмөрийн дүнд татварт ердөө л 35.20 паунд төлдөг, тансаг харшийн эзэн цуутай хөрөнгөлөг бизнесмэнийг олонд танилцуулсан юм.Франк Тимис нь төөрмөөр олон өрөөтэй тансаг харшийг сарын 14 мянган паундаар хөлсөлдгийн дээр Лондоны хамгийн үнэтэй ресторанд хооллохын тулд мөнгөө гарын салаагхараа урсгадаг нэгэн байжээ.
Гэвч 2017 оны орлогын тайлангаас нь харахад тэрээр татварт ердөө л 35.20 паунд төлсөн нь дэлхий даяар түгсэн бизнесийн хаант улсын эзний хувьд сэтгүүлчдийн өлгөх сэдэв болжээ.

Ноён Тимисийн хуульч үйлчлүүлэгч нь татварын бүхий л тайлангийн хаа баримтыг бүрдүүлж байгааг сурвалжлагчдад дуулгажээ.

Шуугиант энэ мэдээллийг “BBC Panorama Documents” нэвтрүүлгээр анх олон нийтэд цацаж мөн тус телевизийн “Africa Eye” хөтөлбөрөөр ноён Тимис хэрхэн тооцоогоо зохицуулж байсныг тайлбарлажээ. Нийтэд цацагдсан мэдээлэлд дурдсанаар ноён Тимис оффшор бүсээс 2017 онд нийт 670 мянган паунд хүлээн авчээ.

Эдгээр тооцоог тараан байршуулах төлбөр гэж нэрлэдэг бөгөөд угаас татвар ногдох ёстой байдаг аж. Гэвч үүнээс өмнөхөн ноён Тимис татварынхаа тайланг мэдүүлсэн бөгөөд ингэхдээ татваргүй зээл хэлбэрээр авсан хэмээн мэдэгдсэн байна.

Хамгийн сүүлд дээрх зээлийн гэрээг баталснаас харахад хууль ёсны байхаар байгуулжээ.
Татварын шударга тогтолцооны сүлжээний мэргэжилтэн Жон Кристиансэн ноён Тимисийн татвараас хэрхэ бултсаныг тайлбарлахдаа “Татварын байцаагчийг мэхлэхэд энэ бүхэн нь чиглэсэн байна. Ийм бол энэ нь заавал эргэж илрэх хуультай байдаг. Өөөр хэлбэл, татварын луйвар гэж ойлгох хэрэгтэй бөгөөд шалгаж тогтоох шаардлагатай” гэжээ.

Түүнчлэн ВВС-ийн эрэн сурвалжлаг ноён Тимис тусалсан ойрын хүнийг илчилжээ.
Филлип Калдвелл бол энэхүү сэжиг бүхий зээлийг авахад зөвшөөрүүлэх уулзалтыг Швейарьт хий үеэр өөрийгөө ерөнхийлөгч хэмээн танилцуулсан нэг юм.

Протоколд түүний гарын үсэг байсан ч тэрээр хэзээ ч энэ уулзалтад оролцоогүй бас уулзалтын протокол нь хуурамч бичиг баримт байна хэмээн мэдэгдэж байгаа юм. “Энэ миний гарын үсэг мөн. Гэхдээ би хэзээ ч ийм уулзалтад оролцоогүй бас гарын үсгээ зураагүй” гэжээ.
Ямартаа ч энэ хэргийн мөрдөн байцаалт үргэлжилж байна.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ