“УБТЗ”-ын Ерөнхий хорооноос ёс зүйн хариуцлага хүлээсэн дэд сайдыг хэзээ чөлөөлөх вэ?

2019-04-23

Ө.БААСТ

“УБТЗ” ХНН  хойд хөрштэй хувь нийлсэн цорын ганц аж ахуйн нэгж болж үлдсэн. Тэгвэл тус нийгэмлэгийн бүхий л бодлогын асуудлыг шийддэг Ерөнхий хороонд “цус сэлбэх” шаардлага тулгараад байгааг мэргэжлийн хүмүүс сануулах боллоо.

Учир нь Монголын талаас “УБТЗ” ХНН-ийн Ерөнхий хорооны орлогч даргааар ЗТХЯ-ны дэд сайд асан Б.Цогтгэрэл, Ерөнхий хорооны гишүүнээр ЗТХЯ-ны Төрийн захиргааны удирдлагын газрын даргын үүрэг гүйцэтгэгч Б.Болор-Эрдэнэ, ЗГХЭГ-ын ахлах референт Н.Буяндэлгэр нар ажилладаг юм байна.

Хамгийн сүүлд 2018 оны арванхоёрдугаар сарын 15-нд “УБТЗ” ХНН-ийн Ерөнхий хороо хуралдахад Б.Цогтгэрэлийг хэвээр үлдээсэн байдаг. Тиймээс хоёр улсын хамтарсан, улсын стратегийн чухал газарт хариуцлага хүлээж албан тушаалаа өгч байсан хүнийг байлгаад байх нь хэр оновчтой вэ гэсэн асуулт тавигдаж байгаа ажээ.

Б.Цогтгэрэл нь ЗТХ-ийн дэд сайдаар ажиллаж байгаад 2018 оны наймдугаар сард тус яамны байранд хүний амь нас хохирсны дараа ёс зүйн хариуцлага хүлээж чөлөөлөгдөх өргөдлөө өгсөн байдаг юм.

Эх сурвалж: “Зууны мэдээ” сонин

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ