Афганистаны талаар хэлэлцэнэ

2019-03-21

Х.ОЮУНБОЛД

АНУ-ын тусгай төлөөлөгч Залмай Халилзад өнөөдөр Вашингтонд ОХУ, БНХАУ, Европын холбооны төлөөлөгчидтэй уулзана. Энэ үеэр Афганистанд энхтайван тогтоох үйл явцын талаар хэлэлцэнэ гэж тус улсын Төрийн департамент гаргасан мэдэгдэлдээ дурдсан байна. Мэдэгдэлд “Афганистан дахь АНУ-ын тусгай төлөөлөгч, Элчин сайд Залмай Халилзад, ОХУ-ын Замир Кабулов, БНХАУ-ын Дэн Ижун, Европын холбооны төлөөлөгч Роланд Кобиа нарыг Вашингтоны Төрийн департаментын байранд хүлээн авч уулзсан” гэж бичжээ. Мөн Афганистанд энхтайван тогтоох үйл явцыг дэмжиж байгаа олон улсын дэмжлэг, талууд энэ дайныг зогсоохын тулд гүйцэтгэж чадах үүрэг, одоог хүртэл хийсэн энхтайвны хэлэлцээрийн үйл явцын талаар хэлэлцсэн гэж нэмж дурдсан байна. Харин Замир Кабулов “ОХУ АНУ-ын зүгээс Талибан хөдөлгөөний удирдагчидтай саяхан хийсэн хэлэлцээрийн үр дүнгийн талаар сонсоно гэж найдаж байгаагаа “Спутник” агентлагт ярьжээ. Афганистан дахь мөргөлдөөний гол нэг оролцогч Талибан хөдөлгөөнийхөн, АНУ-ын эрх баригчдын хооронд болсон түүхэн уулзалт өнгөрсөн сарын сүүлээр Катарын нийслэл Доха хотод эхэлсэн юм.

Мөн энэ сарын дундуур талууд тус улсын Засгийн газрын зэвсэгт хүчнийг 18 жил дэмжиж ирсэн АНУ-ыг цэргээ Афганистнаас татах тухай төслийг хэрэгжүүлсэн байна. Түүнээс гадна Москва Афганистаны тухай зөвлөгөө өгчээ. Харин өнгөрсөн сарын эхээр Кабулын төлөөлөгчид оролцоогүй ч Москвад Афганистаны төлөөлөгчид уулзсан аж. Учир нь Талибаны удирдагчид АНУ-ын хүүхэлдэй гэж  үздэг Афганистаны эрх баригчидтай  шууд хэлэлцээр хийхээс татгалзсан байна. Энэ сард өмнө нь ОХУ-ын Гадаад хэргийн сайд Сергей Лавров “АНУ болон Талибаны хөдөлгөөний хооронд хийж байгаа хэлэлцээрийг тус улсын Афганистан дахь тусгай төлөөлөгч ахалж байгаа. Түүнээс гадна ОХУ-ын Гадаад хэргийн сайд Игорь Моргулов, Замир Кабуловтой байнга уулздаг” гэв. Тэрээр тэмцэлдэхээ больж, энэ дайныг дуусгахын тулд афганчуудыг үндэсний хэмжээнд хэлэлцээр хийж эхлэхэд нь туслахын тул хүчээ нэгтгэх нь сайн зүйл болохыг онцолжээ.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ