Мохамед Мурси хулгайлагдсан гэв

2013-07-24

Египетийн Ерөнхийлөгч асан Мохамед Мурси хулгайлагдсан хэмээн түүний гэр бүлийнхэн мэдэгдлээ. Мурсийн охин Шаима “Цэргийнхэн миний эцгийг хулгайлж хорилоо” хэмээн “Аль-Арабия” телевизэд ярьжээ. “Лалын ахан дүүс” хөдөлгөөний харъяанд байдаг Эрх чөлөө, шударга ёс намын төлөөлөгч “Шүүхийн шийдвэргүйгээр гэрийн хорионд оруулсан нь хулгайлж, барьцаалсантай адил” хэмээн мэдэгдлээ.

Египетэд цэргийн эргэлт гарснаас хойш Мурсигийн гэр бүлийнхэн ч, хамтран зүтгэгчид нь ч түүнийг хараагүй аж. Энэ өдрүүдэд Каир хотноо эрх мэдлээсээ хүчээр зайлуулагдсан Ерөнхийлөгчийг дэмжигчид болон эсэргүүцэгчдийн хооронд мөргөлдөөн гарсаар байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ