Л.Оюун-Эрдэнэ: Хөгжлийн банк улстөрчдийн лоббинд орсон эсэхийг тогтоох ёстой

2019-02-12

Б.ТӨГС

Засгийн газрын хэрэг эрхлэх газрын дарга Л.Оюун-Эрдэнэ гурав хоногийн өмнө Хөгжлийн банкны Төлөөлөн Удирдах зөвлөлийн удирдлагуудыг хүлээн авч уулзахдаа тус банкнаас олгосон зээлийн эргэн төлөлт, чанаргүй зээлийн эзлэх хувь зэргийг яаралтай нэгтгэж танилцуулахыг үүрэг болгосон.

Тэрээр өнөөдөр  “Эрдэнэс-Тавантолгой” компанийн инновацийн зөвлөгөөнд оролцох үеэрээ сэтгүүлчдийн асуултанд хариуллаа. “Хөгжлийн банкинд өмнө нь нэг удаа шалгалт орсон. Энэ шалгалтын материалыг татаж үзэж байгаа. Одоо тэр материал дээр үндэслэн  дахин Засгийн газраас ажлын хэсэг оруулна гэж тооцож байна. Төлөөлөн удирдах зөвлөлийн дарга болон удирдлагуудтай уулзсан. Ер нь бол Хөгжлийн банкны үндсэн чиг үүрэг юу юм бэ. Нэгдүгээрт эдийн засгийг төрөлжүүлэх үүргээ биелүүлж чадаж байна уу. Эсвэл дахин улстөрчдийн лоббид орсон байна уу гэдгийг тогтоох шаардлагатай. Хоёрдугаарт Хөгжлийн банкны зүгээс дундаж давхаргын хувь хэмжээг нэмэгдүүлэх ёстой. Тиймээс хэл ам татлаад буй сангуудыг нэгтгэх ажлыг Засгийн газраас байгуулах нь зүйтэй гэж үзэж байна. Өөрөөр хэлбэл улс төрөөс хамаарал бүхий этгээдүүдээс хамааралгүйгээр банкны үйл ажиллагаагаа явуулах боломжийг гаргах хэрэгтэй. Хэрвээ одоогийн менежмент хангалтгүй байна гэж үзвэл гаднын менежментээр зохицуулах асуудлыг судлах нь зүйтэй” гэсэн юм.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

  • 2 сар

    Энэ хөөрүү Оюунэрдэнэ одоо ажлаа хийгээч!! Игэх ёстой, тэгэх ёстой гээд худлаа шудрага ёс гэж ярихыг чинь, хашгирахыг чинь залхтлаа харлаа!!! Сайдаар шагнуулсан! Ингээд ханахгүй бас худлаа шоудахаа боль!!!

Холбоотой мэдээ