Т.САЙХАН

“Polit.mn” сайт “Төрсөн өдөр”  буландаа дөрөвдүгээр сарын 26-нд төрсөн өдөр нь тохиож буй гавьяат жүжигчин О.Бат-Өлзийгийн тухай онцолж байна.

Урлагийн салбарт удам дамжсан уран бүтээлч цөөнгүй. Тэднийг түүчээлж яваа уран бүтээлч гэр бүл бол гавьяат жүжигчин О.Бат-Өлзийгийн гэр бүл.

Түүний гэргий нь Ардын жүжигчин  С.Сарантуяа. Тэдний гурван хүүхдээс бага хүү Б.Тамир нь өдгөө дэлгэцийн урлагт амжилттай яваа “Фантастик”-ийн Ерөнхий найруулагч билээ.

Өдгөө 60 насны босго алхаж яваа түүний хувьд залуу насандаа “Гарын таван хуруу”, “Нандин эрдэнэ” гэх зэрэг кинонд тоглож байсан. Зах зээлийн дараахан “Зүрхэнд шивнэсэн үг” киноны найруулагчаар ажиллаж муугүй уран бүтээлч гэдгээ харуулж явсан.Гэвч өөрийн амбицаас илүүтэй хайртай гэргий, хонгор үрийнхээ уран бүтээлийг хийхэд ханцуй шамлаж тэднийгээ өнөөдрийн өндөрлөгт хүрэхэд хамгийн их үүрэг гүйцэтгэсэн аав билээ.

Танд төрсөн өдрийн мэнд хүргэе.

Эх сурвалж:www.polit.mn