Ц.Норовжамбал

“Polit” хуанли: “Төрсөн өдөр” буландаа гуравдугаар сарын 15-нд төрсөн өдөр нь тохиож буй  МУГЖ Т.Ариунаагийн тухай онцолж байна.

...Бодолд ээдэрсэн сэтгэл минь

Булбарай чамайгаа харуулдсаар

Болох болохгүйд бүдчиж явахдаа

Амьсгал минь давхцан хорвоог

Тэрхэн мөчид мартахдаа

Амьдын жаргалын сайхныг мэдэрсэн тийм ээ хайрт минь…. гэх мөртийн эзэн өнөөдөр мэндэлжээ.  Гавьяат жүжигчин поп дива хатагтай Т.Ариунаагаас өөр уран бүтээлийнх нь  үг, ая, эгшиг  бүрээс нь хайр ундрах дуучин тун цөөн.  Яах аргагүй тэрбээр хайрын дууны элч хэмээн нэрийдэхээр нэгэн билээ.  “Чи минь”, “Хайрын зай”, “Жаргаж үзээгүй дурлал чи минь” , “Нандин учрал”, “Бундан зүрх”, “Зүүдний ханхүү” энэ бүхэн түүнийх. Хайрын дуунууд  ч цааш үргэлжлэн хөвөрнө. Иймээс хайрын дууны элч гэж түүнийг сонсогчид нь хайрладаг биз ээ. Зүрх бүхэнд хайрыг мэдрүүлэх дуучин тандаа төрсөн өдрийн мэнд дэвшүүлье.

Эх сурвалж: www.polit.mn